-
Како да станам корисник на електронско банкарство?
За физичко лице, поднесувате барање за користење на услугата, во Централата или експозитурите (Цветан Димов, ГТЦ, МНТ, Букет, Макпетрол, Скопјанка, Јане Сандански, Бисер, Ново Лисиче, Лисиче, Лептокарија, Ѓорче Петров, Влае, Сити Мол, Буњаковец, Капиштец, Водњанска, Автокоманда, Маџари, Ченто, Илинден, Драчево, 11 Октомври, Расадник) во Скопје, како и во сите Филијали или експозитури на Банката низ Македонија (Охрид, Струга, Кичево, Ресен, Прилеп, Македонски брод, Струмица, Богданци, Гевгелија, Кавадарци, Неготино, Кочани, Виница, Пехчево, Делчево, Македонска Каменица, Облешево, Битола, Штип, Штип-Туш, Радовиш, Свети Николе, Куманово, Куманово-Туш, Тетово, Илинденска-Тетово, Гостивар, Дебар, Велес).
Барањето може да го добиете на шалтерите на Банката или на следниот линк.
По поднесувањето на барањето добивате корисничко име и лозинка за прва најава на Интернет банката и пристап за следење на состојба и извод на сметките наведени во барањето.
-
Ја имам заборавено лозинката за влез во Интернет банка?
Доколку сте ја заборавиле лозинката за најава, потребно е да отидете во Централата или експозитурите во Скопје (Цветан Димов, ГТЦ, МНТ, Букет, Макпетрол, Скопјанка, Јане Сандански, Бисер, Ново Лисиче, Лисиче, Лептокарија, Ѓорче Петров, Влае, Сити Мол, Буњаковец, Капиштец, Водњанска, Автокоманда, Маџари, Ченто, Илинден, Драчево, 11 Октомври, Расадник) како и во сите Филијали или експозитури на Банката низ Македонија (Охрид, Струга, Кичево, Ресен, Прилеп, Македонски брод, Струмица, Богданци, Гевгелија, Кавадарци, Неготино, Кочани, Виница, Пехчево, Делчево, Македонска Каменица, Облешево, Битола, Штип, Штип-Туш, Радовиш, Свети Николе, Куманово, Куманово-Туш, Тетово, Илинденска-Тетово, Гостивар, Дебар, Велес). Со приложен документ за лична идентификација, ќе ви биде издадена нова лозинка.
Исто така можете да нè контактирате на бројот за техничка поддршка 02-3296 800 (изберете 2) и согласно предефинирана процедура да ви ја ресетираме Вашата лозинка преку телефон.
Задолжително морате да се јавите од телефонски број којшто сте го оставиле во пристапниот картон.
Доколку во Банката ви се ажурни податоците за мобилен телефон и email адреса ресетирањето може да го напрвите и преку Интернет банка. Под делот под најава има линк “Заборавена лозинка” преку кој може сами да си ја ресетирате лозинката.
-
Не можам да се најавам на мојот профил, ми јавува надминат број на сесии?
Оваа порака се појавува доколку два пати сте се најавиле во последните петнаесетина минути, а при тоа не сте направиле одјава. Потребно е да почекате петнаесет минути пред повторно да се обидете да се најавите. Препорачливо е да кликнете на копчето Одјава пред да ја затворите страницата.
-
При најавување со корисничко име и лозинка ми се јавува порака: „Надминат број на обиди“?
Лозинката е неуспешно внесена последователно 5 пати. Потребно е да почекате петнаесет минути пред повторно да се обидете да се најавите.
-
Не можам да се најавам на мојот профил на Интернет банка? (странката нема оставено user name)?
Во вашиот е-mail немате доставено за кој user name се работи и не сме во состојба да утврдиме за каков проблем станува збор. Затоа, Ве молиме јавете се на телефонскиот број за техничка поддршка 02-3296-800 (изберете 2) или пратете ни податоци (user name), за да можеме да Ви помогнеме да го надминете проблемот.
-
Ја имам заборавено лозинката, не сум во Македонија. Како можам да добијам нова лозинка и дали можете да ми ја пратите на е-mail?
Доколку не може да се сетите на Вашата лозинка за најава на Интернет банка, постои опција за самостојно ресетирање на лозинката, но потребно е да Ви бидат ажурирани контакт податоците кои ги имате оставено во Банката и да се совпаѓаат со оние податоци кои системот бара да ги внесете во оваа постапка. За да го извршите ресетирањето потребно е да го одберете полето Заборавена лозинка кое се наоѓа веднаш под полињата за најава на Интернет банката.
Исто така можете да не исконтактирате на телефонскиот број за техничка поддршка 02/3 296-800, од понеделник до петок од 08 до 19 часот или во сабота од 08 до 14 часот и согласно предефинираната процедура да Ви се ресетира лозинката преку телефон, но во овој случај задолжително е да се јавите од телефонскиот број за контакт кој го имате оставено во Банката.
Доколку не сте во можност да постапите по некоја од наведените процедури, можете да доделите овластување на друго лице кое е присутно во државата во Ваше име да поднесе барање за ресетирање лозинка и во Ваше име да ги потпише сите пропратни документи. Полномошното може да се направи во амбасада, конзуларно преставништво или овластен нотар во државата каде моментално престојувате. Доколку полномошното е направено на овластен нотар потребно е да содржи печат од овластениот нотар, апостил печат и треба да биде преведено на кирилично писмо на овластен судски преведувач во РСМ.
-
При најавување со корисничко име и лозинка ми се јавува порака: „Refresh опцијата не е дозволена“?
Потребно е да ги избришете Cookies и Files од менито Tools > Internet Options на Internet Explorer-от. Потоа од менито Tools > Internet Options > Programs, кликнете на копчето Мanage Add-ons се прави disable на сите add-ons, освен Microsoft, SafeNet или Persits software X-encrypt, Adobe.
Препорачливо е да кликнете на копчето Најава, наместо да го притиснете копчето Enter од тастатурата.
-
Дали можам да го оневозможам моето корисничко име?
Доколку сакате да го оневозможите Вашето корисничкото име во Интернет банка, треба да се јавите на телефонот за техничка поддршка 02 3296 800 (изберете 2).
Задолжително морате да се јавите од телефонскиот број којшто сте го оставиле во пристапниот картон.
По оневозможувањето, Вашето корисничко име нема да биде активно на Интернет банката и другите услуги, нема да можете да се најавите ниту да правите трансакции.
-
Зошто не можам да потпишам/платам налог кој има статус Коректно внесен?
Сите внесени налози, без разлика на статусот што го имаат, автоматски се архивираат, и тоа:
- Налози од правни лица
- Налозите кои добиле еден од конечните статуси (примен, одбиен, непотполн XML) се архивираат по добивањето на конечниот статус.
- Налозите со истечен датум на валута, кои се наоѓаат во некој од преодните статуси, се архивираат од истекот на датумот на валута.
- Налози од физички лица - независно од состојбата (преодна или конечна), налозите се архивираат од истекот на датумот на валута.
-
Како можам да вршам плаќања од моите сметки во Банката преку Интернет?
За користење на услугата се поднесуваат барања на шалтерите на Банката. Барањата може да се добијат на шалтерите на Банката или на Интернет банката.
За физички лица се поднесуваат Барање за аплицирање и Документи за работа и договори за вршење трансакции во Централата или во експозитурите во Скопје (Цветан Димов, ГТЦ, МНТ, Букет, Макпетрол, Скопјанка, Јане Сандански, Бисер, Ново Лисиче, Лисиче, Лептокарија, Ѓорче Петров, Влае, Сити Мол, Буњаковец, Капиштец, Водњанска, Автокоманда, Маџари, Ченто, Илинден, Драчево, 11 Октомври, Расадник), или во Филијалите или експозитурите на Банката низ Македонија (Охрид, Струга, Кичево, Ресен, Прилеп, Македонски брод, Струмица, Богданци, Гевгелија, Кавадарци, Неготино, Кочани, Виница, Пехчево, Делчево, Македонска Каменица, Облешево, Битола, Штип, Штип-Туш, Радовиш, Свети Николе, Куманово, Куманово-Туш, Тетово, Илинденска-Тетово, Гостивар, Дебар, Велес), на шалтерите за Трансакциски сметки. Корисникот ќе добие корисничко име и лозинка (доколку веќе има, претплатите ќе бидат направени на постоечкото) и листа на кодови за еднократна употреба изгенерирани од Банката или дигитален сертификат на USB токен генериран од страна на Банката. Банката прифаќа дигитални сертификати и од други издавачи.
-
Кога ќе го внесам ПИН-от јавува порака дека токенот е блокиран?
Токенот се блокира по петнаесет последователни погрешни внесувања на PIN-от за пристап до вашиот токен. Потребно е да се јавите на тел. 02 3168 177 за да закажете термин за деблокирање или да дојдете лично на шалтерот за електронско банкарство во Централата на Банката и да го пополните образецот за деблокирање на токенот. Дополнително ќе добиете инструкции за уплатата која треба да ја извршите за услугата, согласно тековниот тарифник на Банката (повеќе информации на http//kb.mk). Потоа ќе бидете упатени во регистрационата канцеларија каде ќе ви го деблокираат токенот и ќе ви издадат нов сертификат.
При изборот на нов PIN е доволно да одберете 4-цифрен PIN кој лесно ќе го запомните со цел да го избегнете проблемот со блокирањето на токенот. Дополнително, доколку користитеиИнтернет банкарство на друга банка за време на работењето со токенот на другата банка, (или некој друг тип на сигурносен хардверски модул), задолжително извлечете го токенот на Комерцијална банка од USB поратата.
-
При внесување на налог, кога ќе кликнам на копчето Внеси се јавува пораката: „Вашиот потпис не е валиден“?
Налогот го внесувате со кирилична поддршка, а во Control Panel>Regional and Language Options>Advanced имате латинична поддршка (најчесто англиска).
Проблемот можете да го решите на еден од следните начини:
1. Да се избере Start > Settings > Control Panel > Regional and Language во Administrative, Current language for non-Unicode programs треба да биде Macedonian.
2. Полињата Цел на дознака и Назив на примач да се пополнуваат со латинична поддршка.
3. Изберете англиска јазична поддршка со што по автоматизам Називот на примач би го добивале со латинична транскрипција, а Цел на дознака задолжително би го пополнувале со латинично писмо (Windows 1252)
-
Kога ќе кликнам на копчето Трансакции се јавува пораката: „Одберете ја датотеката со сертификатот за потпишување“?
Потребно е да проверите дали е инсталиран драјверот за USB токенот или можеби е оштетенa USB портaтa, ставе те го USB токенот во друга порта.
Доколку USB портата е во ред, извадете го токенот и деинсталирајте го драјверот, направете рестарт на компјутерот и повторно инсталирајте го драјверот.
При инсталација на драјверот, корисникот кој е најавен на компјутерот треба да има администраторски привилегии. Администраторските привилегии не се неопходни за понатамошно функционирање на Интернет банката.
Откако драјверот е инсталиран, повторно кликнете на копчето трансакции. Доколку повторно се појави истата порака, обидете се да ја извршите трансакцијата од друг компјутер (доколку сте во можност), користејќи го истиот USB токен (за да се констатира дека токенот е во ред).
-
Kога ќе кликнам на копчето Трансакции се јавува пораката: „Object does not support this method“?
Под адресниот бар на Internet Explorer-от се појавува банер со содржина: Install ActiveX Control... Потребно е да се кликне на банерот за да се инсталира ActiveX контролата.
При инсталација на Active-X контролата, корисникот кој е најавен на компјутерот треба да има администраторски привилегии. Администраторските привилегии не се неопходни за понатамошно функционирање на Интернет банката.
-
При кликање на копчето трансакции добивам порака „Проблем со потпишување“.
Проверете дали работите со задолжителниот прелистувач „Internet Explorer“ при користење на дигитален сертификат на усб токен. СТРОГО СЕ ПРЕПОРАЧУВА, компјутерските системи од кои ќе се пристапува на Интернет банката да бидат дополнително заштитени со софтвер за заштита од вируси, упади и крадење податоци преку комуникациските линии (antivirus, antispyware, personal firewall и слични програми).
Препораки за прилагодување на Internet Explorer:
- Од менито на Internet Explorer се избира опцијата Tools → Internet Options → табот General → Browsing history → Settings. Во прозорчето се избира опцијата Every time I visit the page.
- Препораки за дополнително прилагодување на Internet Explorer, на оперативен систем Windows Vista, Windows 7, Windows 10:
- Од менито на Internet Explorer се избира опцијата Tools → Internet Options → табот Security → Trusted sites. Со кликање на копчето Sites се отвора прозорче Trusted sites. Во полето Add this Web site to the zone се внесува https://www.banka.com.mk. Со кликање на копчето Add се додава во Web sites. Опцијата Require server verification (https:) for all sites in this zone треба да биде деселектирана. Опцијата Enable Protected Mode задолжително треба да биде деселектирана а нивото на сигурност за оваа зона треба да биде поседесно на Low. На истото мени, во табот Privacy опцијата Turn on Pop-up Blocker треба да биде деселектирана.
Освежете го прелистувачот и обидете се пак, а доколку и понатаму имате проблем, јавете се на телефонскиот број за техничка поддршка 02-3296-800 (изберете 2)
-
Дали сигурносниот токен треба да биде отстранет од компјутерот после плаќањето?
Доколку сте најавени во Интернет банката, никогаш не го оставајте вашиот компјутер отклучен и сигурносниот токен вметнат внатре во USB портата. Доколку тоа го сторите на место каде што фреквентно поминуваат и други лица, на потенцијалниот измамник сте му ги оставиле сите врати отворени за пристап до вашите финансиски средства.
Во услови кога привремено го напуштате вашиот компјутер, задолжително направете негово заклучување (lock workstation) и со себе земете го сигурноснио токен. Имајте го предвид фактот дека сигурносниот токен само еднаш го бара PIN-от за пристап до вашиот приватен клуч и дека истиот автоматски ќе ја одјави вашата сесија дури откако ќе поминат 15 – 20 минути на неактивност или доколку истиот го извлечете од USB портата.
-
Дали можам да се најавам во Интернет банката од кој било компјутер?
Не се најавувајте во Интернет банката на компјутер даден на јавно користење (пример: интернет кафулиња) или компјутер кој го одржуваат непознати лица.
Никогаш нема да бидете сигурни дека на погоре споменатите компјутери нема да налетате на притаени инсталации на злонамерни (malware) апликации кои ги крадат корисничките сметки и лозинки независно дали истите се здобиени заради непостоењето или лошата антивирусна заштита или можеби истите се со намера инсталирани од лицата кои ги одржуваат.
Пристапот до Интернет банката правете го од својот сопствен преносен компјутер, компјутерот кој ви е доделен на користење на вашето работно место или вашиот домашен компјутер. Доколку сепак веќе сте се најавиле во Интернет банката од потенцијално несигурен и компромитиран компјутер, искористете ја првата можност и сменете ја вашата лозинка од вашиот домашен или вашиот личен преносен компјутер.
-
Каква треба да биде лозинката за најава во Интернет банката?
При изборот на лозинката никогаш не користете некоја од стандардните лозинки кои можат да се најдат во речникот на речиси кој било измамник (Password, admin, 1234567890, user, operator, Administrator, masterkey, sysadm, manager...). Избегнувајте во составот на лозинката да користите цели поими, имиња или датуми кои лесно можат да се доведат во врска со вашиот приватен живот (датумот на раѓање на вашите деца, името на вашата сакана личност и сл.). Лозинката мора да има најмалку 8, а најмногу 20 карактери, при што мора да се состои најмалку од три групи на карактери од следните четири по ваш слободен избор:
- Мали букви
- Големи букви
- Цифри
- Специјални знаци