Како корисник на услугите за правни лица на Комерцијална банка имате можност во секое време, бесплатно и безбедно, дигитално да потпишувате договори поврзани со банкарското и друго работење.
Со нашата дигитална платформа за потпишување нашите клиенти добиваат можност далечински и без посета на банка да вршат и најсложени постапки поврзани со секојдневното работење, со максимална безбедност и без потреба од чување хартиени документи.
Платформата за дигитално потпишување може да ја користите за потпишување разни договори поврзани со банкарското и друго работење, при што опсегот на договори кои ќе може да се потпишуваат преку платформата постојано се зголемува, а наскоро ќе биде овозможено потпишување и на други видови документи.
Предности на дигиталното потпишување:
- најсовремено софтверско решение,
- врвна безбедност овозможена по највисоки безбедности протоколи,
- достапност 24/7, секој ден од годината,
- бесплатно дигитално потпишување – системот овозможува неограничено потпишување договори поврзани со банкарските производи на Комерцијална банка,
- без дополнителни надоместоци,
- едноставно користење, преку кориснички ориентиран дизајн кој се користи без потреба од обуки,
- применливо за сите типови и големини на претпријатија,
- комплетна корисничка поддршка од страна на нашите вработени.
Користење на платформата за дигитално потпишување
Опцијата за дигитално потпишување договори е достапна за физички лица кои се застапници на правни лица и поседуваат квалификуван дигитален сертификат од некој од овластените издавачи во нашата земја, КИБС или Македонски телеком.
Покрај електронското потпишување, Вие и натаму ќе можете да потпишувате и доставувате договори во хартиена форма во случаи кога ќе сметате дека тоа е посоодветно.
Дигиталното потпишување се врши преку најава на безбедната страница: https://docsign.kb.com.mk
За регистрација и добивање пристап до оваа бесплатна услуга доставете ни го образецот пополнет и потпишан од овластено лице.