Кредитна линија зa финансирање во зелена енергија (GFF Македонија) на Европската банка за обнова и развој (ЕБОР)

Кредити за финансирање инвестиции на микро, мали и средни претпријатија во енергетска ефикасност и обновливи извори на енергија.

Зошто оваа кредитна линија?

Кредитна поддршка за МСП со атрактивни услови
Максимален износ до 1.000.000 ЕУР по корисник
Исплата на стимулација
Бесплатна техничка помош од страна на консултанти
Максимален рок на отплата до 10 години
Можност за грејс период до 2 години
Индивидуален пристап за секој клиент

За кого е наменета оваа кредитна линија?

Микро, мали и средни претпријатија формирани на територија на РСМ со најмногу до 249 вработени лица и кои имаат годишен обрт до 50 милиони евра или вкупна актива до 43 милиони евра и кои доминантно (над 51%) се во приватна сопственост.

Придобивки за кредитокорисниците: по успешна имплементација и верификација на инвестициските проекти, кредитокорисниците имаат право на исплата на стимулација до 5% за инвестициите за енергетска ефикасност и до 10% за инвестиции за обновливи извори на енергија или за инвестиции кои се комбинација од обновливи извори на енергија и инвестиции за енергетска ефикасност (пресметано на пониската вредност од искористениот износ од под-кредитот или трошоците на инвестицијата за под-проектот - без вклучен ДДВ).

Стимулацијата за враќање на готовина е финансирана од Владата на Република Северна Македонија и Заеднички фонд за целите на одржлив развој, преку Програмата за развој на Обединетите нации.

Поважни информации:

Валута на кредитот

ЕУР или МКД со валутна клаузула

Износ на кредитот

до 1.000.000 евра по корисник.

Износот на кредит е ограничен максимум до износот на вкупните трошоци на инвестицијата, во кои не е вклучен ДДВ

Рок на отплата

минимум 3 години, максимум до 10 години

Грејс период:

до 24 месеци

Начин на отплата

Квартална

Каматна стапка

3-месечен ЕУРИБОР за евра + 3,35 / 3,85 процентни поени, годишно, декурзивно.

Датум на утврдување на тримесечниот ЕУРИБОР е датум кој паѓа два (2) работни дена пред датумот на плаќање на камата, или датум утврден согласно добиеното известување до Банката од ЕБОР.

Провизии:

0,5 % годишно, еднократен надомест на износот на одобрениот под-кредит за одобрување, администрирање и користење на инвестиционен кредит пред користење на под-кредитот;
0,25 % годишно, однапред и тоа за првата година се пресметува на износот на одобрениот под-кредитот, а за секоја наредна година се пресметува на износот на недостасаната главница.
Надомест за ангажирани а нескористени средства од одобрен под-кредит:
- 0,5 % годишно, на износот на неискористени средства од датумот на склучување на договорот за под-кредит се до датумот на целосно повлекување на средствата од ЕБОР;
Надомест за предвремена отплата:
- 5 % од износот за кој се врши предвремено враќање/затворање на кредитната изложеност, доколку враќањето/затворањето се врши во период до 2 години од датумот на склучување на Договорот за под-кредит од кредитната линија на ЕБОР за зелено финансирање,
- 3 % од износот за кој се врши предвремено враќање/затворање на кредитната изложеност, доколку враќањето/затворањето се врши по истек на 2 години од датумот на склучување на Договорот за под-кредит од кредитната линија на ЕБОР за зелено финансирање.

Општи услови
Потребна документација

Општи услови

Одобрување

По поднесување на барањето за кредит, Банката прави формален преглед дали документацијата е комплетна. Доколку документацијата е комплетна, барањето се обработува, при што се оценува бонитетот на барателот и планираната инвестиција за чие што финансирање се наменети средствата.

Клиентот, во разумен рок, со известување ќе биде информиран дали бараниот кредит е одобрен или не.

Обезбедување

За обезбедување на кредитот се користат вообичаени инструменти за обезбедување согласно интерните акти на Банката (хипотека на недвижен имот, залог на подвижни предмети, права и хартии од вредност, меници и други инструменти за обезбедување по оценка на Банката).

Потребна документација

Барањето за кредит треба да ги содржи следните елементи:
- Полн назив на претпријатието;
- Адреса на претпријатието;
- Основачи и органи на управување;
- Доколку основачите се основачи во други друштва, да се наведат друштвата и процентот на учество во капиталот на друштвото;
- Управување во други друштва;
- Шифра на дејност;
- Матичен број;
- Број на жиро-сметка/сметки;
- Деловна банка/банки;
- Намена и износ на бараниот кредит со образложение;
- Основна дејност;
- Организациона поставеност;
- Број на вработени и квалификациона структура;
- Техничко-технолошка опременост и искористеност на капацитетите;
- Асортиман на производство прикажан во физички и во вредносен обем;
- Склучени договори за работа;
- Спецификација на поголеми купувачи и добавувачи;
- Извештај за состојбата на залихите;
- Задолженост во други банки и финансиски организации;
- Преземени идни обврски (акредитиви, гаранции и сл.);
- Опис на понуденото обезбедување;
- Извори на отплата (CASH FLOW);
- Склучени извозни договори и очекувани девизни приливи по извршен извоз;
- План на девизни приливи и одливи.

За долгорочните кредити е потребно доставување инвестициона програма со финансиски предвидувања за периодот на отплата на кредитот.

Копии од решението за регистрација на друштвото, со сите прилозиⁱ само за клиенти кои немаат отворено трансакциска сметка во Комерцијална банка.
Картон за депонирани потписи заверени од матичната банка,ⁱ само за клиенти кои немаат отворено трансакциска сметка во Комерцијална банка.
Известување за претежна дејност на друштвото,ⁱ само за клиенти кои немаат отворено трансакциска сметка во Комерцијална банка.
Промет на денарски и девизни сметки на комитентот во други банки,
Завршни сметки за последните 2 години и периодична пресметка (за потребите на Банката),
Девизен биланс – структура на побарувања и обврски од странство прикажани по валути и рокови на доспевање за наплата, односно плаќање,
Ревизорски извештаи за друштва кои се законски обврзани да изготвуваат вакви извештаи,
Список на целокупниот имот со кој располага барателот на кредит (недвижен и подвижен), потпишан од барателот,
Доказ за сопственост на понуденото обезбедување:
- Имотен лист за недвижен имот,
- Фактури, УЦД за залог на подвижен имот.