Прегратките и бакнежите се симболи на љубов, разбирање и почитување – вредности кои ни значат и ги поддржуваме. Затоа Комерцијална банка со особено задоволство обезбеди поддршка за инклузивниот настан „Гуш бац е љубов“, кој по шести пат ќе се одржи на 11 мај во Градски парк – Школка.
Овој настан, во организација на Здружението на граѓани „Аутизам ААМК”, претставува отворена платформа за славење на различноста, рушење на предрасудите и градење на заедница заснована на емпатија и меѓусебна поддршка. Преку поддршка на овој настан сакаме да придонесеме за општество во кое сите имаат право на среќа, љубов и достоинство.
Полесно е заедно да направиме разлика и да создадеме свет во кој секој човек ќе биде виден, слушнат и прифатен.