Për Komercijalna Banka, përgjegjësia shoqërore paraqet angazhim individual dhe kolektiv për të arritur përparim të qëndrueshëm dhe afatgjatë dhe zhvillim të shoqërisë.

Çdo vit, përgjegjësia shoqërore përditësohet dhe plotësohet me kontribute dhe sfida të reja, të cilat kontribuojnë që Banka të njihet dhe të pranohet në shoqëri si një subjekt i përgjegjshëm afarist.

Ne duam që shoqëria dhe ekonomia të përparojnë. Prandaj, përgjegjësia jonë shoqërore korporative përfshin përkushtimin tonë drejt qëndrueshmërisë ekonomike, ekologjike dhe shoqërore të komunitetit nëpërmjet ndërveprimit të vazhdueshëm me palët e prekura, pjesëmarrjes aktive në komunitetet që janë nën ndikimin e Bankës, dhe njoftimin publik për politikat dhe rezultatet e Bankës në fushën ekonomike, ekologjike dhe sociale. Përgjegjësia shoqërore në Komercijalna Banka konsiderohet si koncept bashkëkohor, që nënkupton mbajtjen e llogarisë jo vetëm për përfitimin, por edhe për dobinë shoqërore të veprimit.

Duke e identifikuar përparimin e shoqërisë në përgjithësi me përparimin e vet, Komercijalna Banka është e përkushtuar në veprimtarinë e saj në drejtim të përkrahjes së qëllimeve më të larta shoqërore dhe mirëqenies, si dhe drejt kontributit të saj aktiv drejt realizimit të këtij qëllimi. Një qëndrim i këtillë nënkupton qasje drejt punës që i tejkalon kuptimet tradicionale për kujdesin për veprimtarinë kryesore dhe detyrimet ligjore dhe është i orientuar drejt identifikimit të grupeve që janë nën ndikim dhe që ndikojnë në vendimet e saja (palët e prekura), gjetjen e fushave të interesit të përbashkët, pranimi i ndryshimeve dhe veprimi adekuat.

Përgjegjësia shoqërore korporative e Komercijalna Banka është në pajtim me Dhjetë Parimet e Marrëveshjes Globale të Kombeve të Bashkuara, udhëzimet e Agjendës nacionale për përgjegjësi shoqërore të ndërmarrjeve për Republikën e Maqedonisë së Veriut, ndërsa i ndjek edhe shembujt pozitiv të praktikës vendore dhe botërore.

Nëpërmjet pjesëmarrjes në nisma dhe debate të ndryshme, Banka angazhohet për përmirësimin e përgjithshëm të klimës për përgjegjësi korporative dhe individuale shoqërore dhe të përmirësimit të rolit të subjekteve afariste në ndërtimin e ardhmërisë më të mirë për shoqërinë tonë.

Komercijalna Banka është krenare me traditën e saj të pasur si kompani e përgjegjshme, e cila është e lidhur ngushtë me komunitetin e saj dhe është çdoherë e përgatitur të ndajë dhe të inspirojë ata që kanë vullnet t’i bashkohen kësaj kauze.

Qasje strategjike

Duke u nisur nga përcaktimi i veprimtarisë sistematike dhe harmonizimin e tërësishëm me ndryshimet e rrethit shumë kompleks, Komercijalna Banka zhvilloi një Strategji për përgjegjësi shoqërore korporative, sipas së cilës, Banka do të punojë në periudhën nga viti 2017 deri në vitin 2021.

Strategjia do t’i formalizojë qëllimet, aktivitetet dhe kahet e veprimit dhe drejtimit me aktivitetet me përgjegjësi shoqërore të Bankës. Ajo është modeluar ashtu që në mënyrë adekuate i përfshin dhjetë parimet e Marrëveshjes Globale të Kombeve të bashkuara në raport me ngjarjet ekzistuese dhe ato që parashikohen, të cilat ndikojnë në punën e Bankës dhe në nevojat e palëve të prekura. Qëllimi i kësaj qasjeje sistematike është që në themel dhe në mënyrë pro-aktive të përballemi me sfidat e shoqërisë sonë, por edhe t’i frymëzojmë të tjerët ta ndjekin përkushtimin tonë.

Veprimtaria e Bankës i merr parasysh nevojat dhe raportet me të gjitha palët e prekura: të punësuarit, aksionarët, klientët, furnizuesit, konkurrentët, komunitetin dhe mjedisin jetësor. Nisur nga kjo, hapat dhe prioritetet në pjesën e përgjegjësisë shoqërore definohen në atë mënyrë që mundësojnë qasje të balancuar drejt të gjitha palëve të prekura.

Masat dhe aktivitetet, nëpërmjet të cilëve Banka e realizon sjelljen e saj të përgjegjshme në shoqëri janë:

Sponsorizimet dhe donacionet – Banka siguron mjete financiare ose materiale dhe shërbime për përkrahje të individëve, organizatave ose ngjarjeve të cilat janë të rëndësishme për zhvillimin e komunitetit dhe për përmirësimin e cilësisë së jetës së të gjithë shoqërisë.

Edukimi – transmetimi i dijeve dhe shkathtësive specifike të të punësuarve të Bankës te grupet e caktuara të qëllimit, mbi tema të cilat janë thelbësore për arsimimin e tyre, punësimin në të ardhmen dhe ndërtimin e zakoneve të shëndetshme financiare.

Vullnetarizmi – punonjësit e Bankës me aktivitetet e tyre kontribuojnë dhe tregojnë entuziazëm të madh dhe vetëdije të lartë për veprimin shoqëror që duhet të sjellë përfitim ose ndihmë për njerëzit e tjerë dhe për të gjithë komunitetin.

Proceset e punës – vendimet e organeve të Bankës dhe i gjithë funksionimi i saj orientohen në uljen e harxhimeve të energjisë elektrike, përdorimin e burimeve “të pastra” të energjisë, riciklimin e materialeve, përmirësimin e proceseve të punës dhe kujdesin dhe trajnimin e vazhdueshëm të punonjësve.

Në kuadër të strukturës organizative të Bankës funksionon edhe Trupi Koordinues për përgjegjësi shoqërore, detyra kryesore e të cilit është përfshirja e të gjitha pjesëve organizative të Bankës në planifikimin dhe realizimin e aktiviteteve që lidhen me përgjegjësinë shoqërore. Me këtë, Trupi Koordinues përpiqet që idetë dhe parimet e përgjegjësisë shoqërore të transmetohen dhe të pranohen nga të gjithë të punësuarit e Bankës.